3 մլն դրամ՝ չգործող մանկապարտեզի աշխատողներին վճարելու համար․ ինչ է կատարվում Արծվանիստում․ «Ժողովուրդ»
«Պահակները գիշեր-ցերեկ հսկում են Արծվանիստի չգործող մանկապարտեզը: «Ժողովուրդ» թերթը տեղեկացավ, որ Գեղարքունիքի մարզի՝ 3350 բնակիչ ունեցող գյուղի այդ մանկապարտեզը տարիներ առաջ է լուծարվել, բայց համայնքային բյուջեից շարունակում են փող դուրս գրել՝ ոչ միայն պահակներին, այլ վարիչի հաստիքով «աշխատողին» վճարելու համար:
Մանկապարտեզն անբարեկարգ է եղել՝ անմխիթար շենքային պայմաններով, տանիքը՝ կիսափուլ, շենքի պատերը՝ կիսաքանդ, առանց սանհանգույցի ու ջրամատակարարման: Եւ մարզպետարանը տարիներ առաջ որոշել է այն փակել՝ երեխաների առողջությունը չվտանգելու համար:
Ստեղծման օրվանից չնորոգված մանկապարտեզի վերականգնման համար փող չեն գտնում, բայց ինչպես գյուղապետարանի հաշվապահը թերթի հետ զրույցում հաստատեց, գիշերային-ցերկային պահակներն է՛լ, վարիչն է՛լ աշխատավարձ ստանում են: Դրա համար համայնքային բյուջեից տարեկան 3 մլն դրամ է դուրս գալիս»։
Ամբողջությամբ կարող եք կարդալ թերթի այսօրվա համարում:
