ՄԱԿ-ը հրապարակել է զոհված խաղաղ բնակիչների թիվը Դոնբասում հակամարտության սկսվելուց ի վեր
Ուկրաինայում մարդու իրավունքների հարցերով ՄԱԿ-ի առաքելությունը արձանագրել է, որ 3300-ից ավելի խաղաղ քաղաքացիներ են զոհվել Դոնբասում հակամարտության սկսվելուց ի վեր: Այդ մասին սեպտեմբերի 17-ին հայտարարել է առաքելության ղեկավար Մաթիլդա Բոգները։
«Այսօր քաղաքացիական բնակչության շրջանում զոհերի թվաքանակն ամենացածրն է հակամարտության ողջ ժամանակաշրջանում, որն ավելի քան 3300 քաղաքացիական անձանց կյանք է խլել… Երեք ամսվա ընթացքում (մայիսի 16-ից մինչեւ օգոստոսի 15-ը) 8 մարդ է զոհվել հակամարտության հետեւանքով, 60 հոգի վերքեր են ստացել, նրանց թվում՝ ինը երեխա»,-ճեպազրույցում հայտարարել է Բոգները, հաղորդել է ՌԻԱ Նովոստին:
