«Արտաքին քաղաքականության մեջ Փաշինյանի ուղեղում և կաբինետում եփվում է աշխարհաքաղաքական կտրուկ փոփոխությունների որոշման նախագիծ, և Վանեցյանի հրաժարականը կապում եմ այդ դավադիր պրոցեսի նախապատրաստման հետ». Արմեն Աշոտյան
«Փաշինյանը երեկ ներկայացրեց, այսպես կոչված, 100 փաստ նոր Հայաստանի մասին, և եթե ուշադիր հետևել եք եթերին, ապա կնկատեք, որ Հայաստանի նման երկրի համար կառավարության գործունեության մեջ այդ 100 փաստի շարքում ընդամենը մեկ արտաքին քաղաքական անդրադարձ է եղել։ Այսինքն՝ վարչապետը և կառավարությունը, որոնք պատասխանատու են Հայաստանի անվտանգության և արտաքին քաղաքականության համար, իրենց ողջ գիտաֆանտաստիկ ստեղծագործական ներուժով հանդերձ՝ կարողացել են մեզ հրամցնել ընդամենը մեկ փաստ արտաքին քաղաքականությունից։ Այդ փաստն էր Եվրամիության կողմից այս տարվա համար լրացուցիչ հատկացված շուրջ 35 միլիոն եվրոն»,- իր՝ Նիկոլ Փաշինյանի երեկվա ասուլիսին նվիրված ֆեյսբուքյան ուղիղ եթերի ժամանակ հայտարարեց ՀՀԿ փոխնախագահ Արմեն Աշոտյանը։
Վերջինս նշում է, որ, իհարկե, զավեշտ է, որ Հայաստանի արտաքին քաղաքականության մեջ չկան ձեռքբերման փաստեր՝ կապված ՌԴ, Իրանի, ՀԱՊԿ կամ ԵԱՏՄ-ի հետ կապված հարաբերությունների մասին, և երեկվա այդ շարանի մեջ այս կառավարության արտաքին քաղաքական վակուումը պարզապես աչքի էր զարնում ու իր մեջ շատ վատ նախանշաններ էր պարունակում։
Արմեն Աշոտյանը կարծում է, որ այդ շարանի մեջ պակաս զավեշտալի չէր Արցախյան խնդրին անդրադարձը, որովհետև վարչապետը հիշատակեց երեք «իբր թե» հաջողություն։
«Ըստ իրեն՝ Արցախի ուղղությամբ համար 1 հաջողությունն այն էր, որ Կառավարությունը կարողացել է դիտորդական առաքելություն ֆինանսավորել իրենց սպասարկող հ/կ-ների և շատ կոնկրետ անցյալ ու ներկա կապեր ունեցող հ/կ-ներին ուղարկել Ղարաբաղ և իրենց վերագրել արցախցու՝ ազատ ընտրություն իրականացնելու փաստը։ Երկրորդ հանգամանքը, որով նա անդրադարձավ Արցախին, իր հանրահավաքն էր այնտեղ։ Այսինքն՝ կառավարության ձեռքբերումների մեջ մենք ունենք Ստեփանակերտում հանրահավաքի կազմակերպում։ Համաձայնեք, որ առնվազն անլուրջ է։ Վարչապետի շուրթերից լսել նման անհեթեթ բաներ, այն էլ՝ Արցախի հետ կապված, պարզապես ցավալի է և վկայում է բացարձակապես անլրջության մասին, որ Նիկոլ Փաշինյանին պատել է արտաքին քաղաքականության, անվտանգության և Արցախի հարցերում հատկապես»,- ասաց 6-րդ գումարման ԱԺ Արտաքին հարաբերությունների հանձնաժողովի նախագահը։
Նա նկատեց նաև, որ ասուլիսի ժամանակ վարչապետը գեթ մեկ անգամ չանդրադարձավ իր խոստման կատարման ընթացքին, իսկ Արցախի հարցում իր հիմնական դրոշակը, մեխը նա էր, որ նա փորձելու է Արցախը վերադարձնել բանակցային սեղան։
«Կառավարությունն ու վարչապետը մեծ ջանքեր են գործադրում, որ մոռացության մատնեն իրենց տված այդ խոստումը, և երեկ վարչապետը որևէ կերպ չանդրադարձավ՝ ո՞ր փուլում է այս խնդիրը, ինչո՞ւ այն չի լուծվում, իսկ այդ խնդիրը չլուծելու դեպքում ինչո՞ւ նա չի ընդունում, որ տվել է հերթական սուտ խոստումը»,- նշեց Արմեն Աշոտյանը։
Ըստ բանախոսի՝ վարչապետը երեկ իր այդ 100 «փուստերի» մեջ բազմաթիվ տնտեսական ցուցանիշներ հիշատակեց, և դրանց մեջ՝ Համաշխարհային տնտեսական ֆորումի հերթական հրապարակումը, որն անդրադառնում էր տուրիզմի զարգացման համաշխարհային վարկանիշներին, և ասաց, որ Հայաստանը 5 տեղով առաջ է անցել, և դա վերագրեց իրենց՝ որպես խոշորագույն ձեռքբերում, խոսեց նաև զբոսաշրջիկների քանակի՝ իբր թե աննախադեպ աճի մասին։
«Չեմ զլացել և նայել եմ Համաշխարհային տնտեսական ֆորումի վերջին 3 զեկույցները և հայտնաբերեցի, որ Նիկոլ Փաշինյանի կողմից այդքան գովերգված առաջընթացն իրականում տեղի է ունեցել նաև 2017թ.՝ 2015թ. համեմատությամբ։ Այսինքն՝ ասածս այն է, որ Հայաստանը հետևողականորեն, առանց Նիկոլ Փաշինյանի էլ նույն կերպ առաջ էր գնում, և սա հրամցնել որպես ձեռքբերում՝ պարզապես ծիծաղելի է, որովհետև նման ձեռքբերում ուներ նաև նախորդ կառավարությունը։ Ինչ վերաբերում է տուրիստների քանակի աննախադեպ աճին, ապա խոստովանենք, որ զբոսաշրջիկների տարեկան աճը Հայաստանում վերջին տարիների մշտապես 10-15 տոկոսից պակաս չի եղել, և սա սովորական աճ է Հայաստանի համար։ Բայց հատկապես փաշինյանական ֆանատները կհիշեն, որ անցյալ տարի ԱԺ-ում, երբ նա վարչապետ էր առաջադրվում, իր ծրագրային ճառի մեջ ինչ սրտաճմլիկ բաներ ասաց՝ թռիչքաձև աճ, տուրիստներ, որովհետև տուրիստները ցանկանալու են տեսնել՝ ո՞րն էր այդ երկիրը, որ կարողացավ անարյուն հեղափոխություն իրականացնել։ Մենք չունենք այդ բեկումնային աճը, ինչպես տեսնում եք»,- ասաց ՀՀԿ փոխնախագահը։
Նա նշում է, որ ասուլիսի ժամանակ վարչապետը, հասկանալով, որ այլ ասելիք չունի, կրկին սկսում է խաղարկել հակակոռուպցիոն քարտը, քանի որ 4.5 ժամ տևած ասուլիսի ժամանակ նա մի քանի տասնյակ անգամ արտաբերեց կոռուպցիա, կոռուպցիոն նախկին ռեժիմ արտահայտությունները։
«Վատ մեքսիկական սերիալների սցենարիստ-ռեժիսորի նման՝ Նիկոլ Փաշինյանը չի հասկանում, որ այդ սերիալն այլևս պետք է փակել, քանի որ այն զարգացման որևէ լուրջ սյուժե չունի։ Ամեն անգամ շահարկելով այս թեման՝ հիմա էլ հանգիստ է պատրաստվում թողնել Սաշիկ Սարգսյանին և թիրախավորել է Սերժ Սարգսյանի ընտանիքի այլ անդամներին։ Վստահաբար կարող եմ ասել, որ ելքն ավելի չի լինելու, քան Ալեքսանդր Սարգսյանի դեմ վարվող և ոչ մի բանով չավարտված այս 1.5 տարվա, այսպես կոչված, կոռուպցիոն կեղծ բացահայտումները»,- ասաց Արմեն Աշոտյանը։
«Ի տարբերություն Ձեզ, մենք չենք թիրախավորում երեխաներին, ուստի դադարեք խաղարկել փոքրիկ, չքնաղ Արփիի կերպարը Ձեր քաղաքական խաղերի մեջ»
Նա կարծում է, որ Նիկոլ Փաշինյանը երեկ մի կեղտոտ հնարքի դիմեց, փորձեց ասել, որ «հես ա կասեն, որ իր փոքրիկ դուստր Արփին փայ ունի ինչ-որ հանքում, 50/50, և այլն»։
«Հարգելի պարոն Փաշինյան, առաջինը հիշեք, որ մենք երբեք սուտ բաներ չենք խոսում։ Հատկապես ձեզ քննադատելիս՝ հիմնվում ենք բացառապես փաստերի վրա և նման կեղծ տեղեկություններ մենք տարածել չենք կարող, հանգիստ եղեք։ Եվ երկրորդ՝ էլ ավելի կարևորը։ Ի տարբերություն Ձեզ, մենք չենք թիրախավորում երեխաներին, ուստի դադարեք խաղարկել փոքրիկ չքնաղ Արփիի կերպարը Ձեր քաղաքական խաղերի մեջ, որովհետև որպես տղամարդ և որպես հայր՝ կարծում եմ, Դուք դա չպետք է անեք։ Ավելի բացատրելու կարիք չկա, եթե այսքանը հասկացաք»,- վարչապետին դիմեց ՀՀԿ փոխնախագահը։
Ըստ նրա՝ ամոթ է, երբ երկրի վարչապետը խոսում է կուտակված աղբից ու, որպես ձեռքբերում՝ նշում 8-10 աղբատար մեքենաների ներմուծումը քաղաք, և դրանք զուր ջանքեր են՝ երևանցիների վզին նրա իսկ կողմից փաթաթած անհաջող քաղաքապետին արդարացնելու համար։ Արմեն Աշոտյանը խոստացավ նաև, որ առաջիկայում կբացատրի, թե ինչո՞ւ է Նիկոլ Փաշինյանն ատամներով պահում Հայկ Մարությանին։
Արմեն Աշոտյանն իր ուղիղ եթերի ժամանակ անդրադարձավ նաև Իջևանի քաղաքապետի խնդրին, ով վարչապետի ընկերն է, ու նրա տված բացատրություններին այդ թեմայով, խոսեց ԱԱԾ տնօրեն Արթուր Վանեցյանի հրաժարականի մասին՝ նշելով, որ այդտեղ աշխարհաքաղաքական մեծ գործոն կա։
100 փուստ կառավարության մասին։ Փաշինյանի չստացված ասուլիսի հետքերով:Փաշինյանը երեկ ներկայացրեց այսպես կոչված 100 փաստ նոր Հայաստանի մասին և եթե ուշադիր հետևել եք եթերին, ապա կնկատեք , որ Հայաստանի նման երկրի համար կառավարության գործունեության մեջ այդ 100 փաստի շարքում ընդամենը մեկ արտաքին քաղաքական անդրադարձ է եղել: Այսինքն վարչապետը և կառավարությունը, որոնք պատասխանատու են Հայաստանի անվտանգության և արտաքին քաղաքականության համար, իրենց ողջ ստեղծագործական գիտաֆանտաստիկ ներուժով հանդերձ կարողացել են մեզ հրամցնել կամ բարձրաձայնել ընդամենը մեկ փաստ արտաքին քաղաքականությունից: Իհարկե զավեշտ է, որ Հայաստանի արտաքին քաղաքականության մեջ չկան ձեռքբերման փաստեր կապված ՌԴ-ի հետ հարաբերությունների մասին, կապված Իրանի հետ հարաբերությունների մասին, կապված ՀԱՊԿ-ի կամ ԵՏՄ-ի հետ հարաբերությունների մասին և երեկվա շարանի մեջ այդ փաստերի արտաքին քաղաքական վակումը տկլորությունը այս կառավարության պարզապես աչքի էր զառնում ու շատ վատ նախանշաններ է իր մեջ պարունակում: ՌԴ-ի հետ հարաբերություններում բացառապես կնճիռներ են կուտակվում և նստվածքներ և պատահական չէ, որ Նիկոլը երեկ խոսելիս ոչ մի անգամ իր 100 փաստի մեջ չհիշատակեց ՌԴ-ի հետ մեր հարաբերությունների մասին և այլն: Պակաս զավեշտալի չէր վարչապետի 100 փաստանոց շարանի մեջ Արցախյան խնդրին անդրադարձը, որովհետև ինքը իրենով հիշատակեց ընդամենը երեք իբր թե հաջողություն: Հաջողություն համար մեկ․ ըստ իրեն Արցախի ուղղությամբ, նա էր, որ կառավարությունը կարողացել է դիտորդական առաքելություն ֆինանսավորել իրեն սպասարկող հկ-ների և շատ կոնկրետ անցյալ, ներկա ու կապեր ունեցող հկ-ների գործուղելով Ղարաբաղ ու իրենց վերագրելով Արցախի ժողովրդի, արցախցու ազատ ընտրություն իրականացնելու ընտրության իրավունքի իրականացնելու փաստը: Այ քեզ զավեշտ: Երկրորդ հանգամանքը, որով նա անդրադարձավ Արցախին դա իր հանրահավաքն էր այնտեղ: Այսինքն կառավարության ձեռքբերումների մեջ մենք ունենք հանրահավաքի կազմակերպում Ստեփանակերտում: Համաձայնեք, որ առնվազն անլուրջ է և ծիծաղելի կլիներ, եթե այդ մարդը, ով երեկ դա ձեզ փորձում էր հրամցնել վարչապետը չլիներ, իսկ վարչապետի շուրթերից լսել նման անհեթեթ ձեռքբերումների մասին այդպես կոչված, այն էլ Արցախի հետ կապված կարևորագույն խնդրում պարզապես ցավալի է և վկայում է բացառապես անլրջության մասին, որ պատել է Նիկոլ Փաշինյանի արտաքին քաղաքականության, անվտանգության և Արցախի հարցերում հատկապես: Հիշում եք՞, որ Արցախի հարցում իր հիմնական դրոշակը այսպես ասած՝ հիմնական մեխը նա էր, որ Արցախը վերադարձնելու է բանակցությունների սեղանին։ Կառավարությունը, վրչապետը մեծ ջանքեր են գործադրում, որպեսզի մոռացության մատնեն իրենց տրված այդ խոստումը։ Եվ երեկ վարչապետը գեթ մեկ բառով, նախադասությամբ, հիշատակությամբ ընդհանրապես չանդրադարձավ , թե որ փուլում է այս խնդիրը, ինչու չի լուծվում, իսկ այդ խնդիրը չլուծելու դեպքում ինչու նա չի ընդունում, որ տվել է հերթական սուտ խոստում։Իրականում ՆԻկոլ Փաշինյանը ևս մի կեղտոտ հնարք արեց, ասեց, որ փոքրիկ Արփին փայ է ինչ որ մի հանքում, 50/50 և այլն․․․Հարգելի պարոն Փաշինյան, առաջինը հիշեք, որ մենք երբեք սուտ բաներ չենք խոսում, հատկապես ձեզ քննադատելիս հիմնվում ենք բացառապես փաստերի վրա, նման կեղծ տեղեկություններ մենք տարածել չեն կարող, և երկրորդը՝ մենք ի տարբերություն ձեզ, չենք թիրախավորում երեխաներին , մենք չենք թիրախավորում ընտանիքի երեխաներին, ուստի դադարեք խաղարկել փոքրիկ չքնաղ Արփիի կերպարը ձեր քաղաքական խաղերի մեջ, որովհետև որպես տղամարդ, որպես հայր պարզապես չպետք է նման բան անեք։Պարզապես չպետք է անեք, ավելին բացատրելու կարիք երևի թե չկա, եթե այս քանը հասկացաք։ Իսկ եթե բացատրելու, կարիք կա, ապա վստահաբար մեկ է՝ չեք հասկանալու։ Շատ ցավալի է լսել փաշինյանական արդարացումները կապված քաղաքում տիրող աղբահանությանը վերաբերող խայտառակ վիճակի հետ։ Նա փորձում էր մեզ մեղադրել՝ ամոթանք տալով, որ ամոթալի է շահարկել այս թեման։ Իրականում ամոթալի է, պարոն Փաշինյան, երբ որ երկրի վարչապետի պաշտոնը զբաղեցնող անձը շաբաթը մի քանի անգամ իր ֆեյսբուքայն էջում և եթերներում խոսում է կուտակվախ զիբիլից։ Այ սա է ամոթ։ Ամոթ է, երբ որ երկրի վարչապետը հպարտանում է 8 թե 10 աղբատար մեքենաների ներմուծումով քաղաք։ Ձեր բոլոր ջանքներն արդարացնելու Ձեր իսկ կողմից երևանցիների վզին փաթաթված անհաջող քաղաքապետի բացթողումները հասկանալի են։ Ես դրանց կանդրադառնամ մեկ այլ եթերով, մեկ այլ ձևաչափով և հասարակությանը կբացատրեմ, թե ինչու է Նիկոլ Փաշինյանը ատամներով պահում Հայկ Մարությանին և ինչու է փորձում արդարացնել այնպիսի տեսանելի պրոբլեմ, ինչիսին աղբահանությունն է Երևանում։Եթե իջևանի բնակիչները քեզ այդքան հարազատ են, ինչո՞ւ ձեռք բարձրացրեցիր քո հարազատների վրա, քո քաղաքի վրա։ Եվ կներեք իհարկե, ես էլ շատ-շատ սանիկներ ունեմ և կեսկատակ իրենց ասացի, թե մարդ պետք է բախտ ունենա, սանիկը քավորին գործի նշանակելու համար փաստորեն պետք է նախորդ քաղաքապետի գլխին կուտակի ամպեր, քրեական գործերով վախեցնի, ստիպի հրաժարական գրել, որ իր քավորին դնի քաղաքապետ ու ասի՝ այդպես էլ պետք է լինի։ Որքանով հարգելի հայրենակիցներ, ուտենք հերթական կտերը, այլևս մեծ հարց է, քանի որ ամեն օր բացվում են հարյուրավոր, հազարավոր մարդկանց աչքեր։ Ուզում եմ նաև շեշտել, որ ըստ իս, Վանեցյանի հրաժարականի մեջ կա գեոպոլիտիկա, կա նաև աշխարհաքաղաքական մեծ գործոն։ Եվ իմ կանխազգացումներով՝ արտաքին քաղաքականության մեջ Նիկոլ փաշինյանի ուղեղում և կաբինետում եփվում է աշխարհաքաղաքական կտրուկ փոփոխությունների որոշման նախագիծ, և Վանեցյանի հրաժարականը ես կապում եմ այդ դավադիր պրոցեսի նախապատրաստման հետ։
Gepostet von Armen Ashotyan am Dienstag, 17. September 2019
Գոհար Սավզյան
