Շումախերը դուրս է գրվել Փարիզի հիվանդանոցից
Ֆորմուլա-1-ի յոթակի չեմպիոն Միխայել Շումախեր դուրս է գրվել Փարիզի Ժորժ Պոմպիդուի անվան հիվանդանոցից: Այս մասին հայտնել է Le Parisien-ի լրագրող Ժան-Միշել Դեկյուժին BFMTV հեռուստաալիքի եթերում:
Ըստ նրա տեղեկությունների, 50-ամյա Շումախերը երեք օրերի ընթացքում համապատասխան ընթացակարգեր է անցել: Շումախերին սեպտեմբերի 11-ի գիշերը տեղափոխել են Ֆրանսիայից: Թե ինչպես են բուժել նրան, լրագրողը չգիտեր:
«Ըստ երևույթին, դրանք փորձարարական որոշ մեթոդներ էին: Մենք միայն գիտենք, որ նա ստացել է արյան փոխներարկում, որի մեջ ավելացվել են ցողունային բջիջներ: Նրանք պետք է բարենպաստ ազդեցություն ունենան նրա ամբողջ մարմնի, ներառյալ՝ ուղեղի վրա»,- ասել է Դեկյուժին:
Պատրաստեց Անի Գաբուզյանը
