«Ապագայում նա շատ բան կտա «Բարսելոնային»». Ռիվալդոն՝ դե Յոնգի մասին
«Բարսելոնայի» նախկին կիսապաշտպան Ռիվալդոն խոսել է կատալոնացիների կիսապաշտպան Ֆրանկի դե Յոնգի մասին:
«Թիմին պակասում է Մեսսին: Երբ նա մտնում է դաշտ, նա ստեղծում է հատուկ, կախարդական բաներ: Նա վստահություն է փոխանցում բոլորին և ավելի լավացնում է «Բարսելոնան»:
Մեկ այլ խաղացող, որի մասին այժմ խոսում են բոլորը՝ Ֆրանկի դե Յոնգը: Նրան պետք է ժամանակ տրամադրվի՝ հարմարվելու համար:
Նա արդեն ցույց է տվել այն, ինչ մենք հույս ունեինք տեսնել նրանից: Նա լավ է հարմարվում նոր թիմում, և արդեն պարզ է, որ սա «Բարսելոնայի» համար հիանալի ստորագրում է: Հետագայում նա շատ բան կտա թիմին»,- ասել է Ռիվալդոն:
Ամռանը Դե Յոնգն «Այաքսից» տեղափոխվեց «Բարսելոնա»՝ 75 միլիոն եվրոյի դիմաց:
Սիրարփի Աղաբաբյան
