Դուրդ չեկա՞վ․․․ տո հա՛, չեկավ․ թեժ վիճաբանություն ԱԺ-ում. 24news.am
Խորհրդարանական քառօրյայի վերջին օրվա վերջին ժամերն անցան բավական թեժ մթնոլորտում։ Ինչպես հաղորդում է 24news.am-ը, առիթն «Իմ քայլի» պատգամավոր Սիսակ Գաբրիելյանի հեղինակած օրինագիծն էր, ըստ որի ցանկացած քաղաքացի դրսում նկարահանող սարքի միջոցով կարող է արձանագրել վարորդների խախտումներն ու հատուկ հավելվածի միջոցով ուղարկել ոստիկանություն։ ԲՀԿ-ական Արթուր Դալլաքյանը չէր հավանել օրինագծի դրույթները, որն, ըստ նրա, «շատ վատ ավանդույթ է և անբարոյականություն է սերմանում»։ Վերջինիս ելույթից հետո իր ու «Իմ քայլի» պատգամավորների միջև կրքերը թեժացան ու բանը հասավ փոխադարձ վիրավորանքների։
