Կոնդ թաղամասում գտնվող ոչ բնակելի տան արտաքին պատը մասամբ փլուզվել է
Սեպտեմբերի 8-ին, ժամը 21:07-ին «911» ծառայություն ահազանգ է ստացվել, որ Երևանի Կոնդ թաղամասում գտնվող ոչ բնակելի տան արտաքին պատը մասամբ փլուզվել է՝ փակելով երթևեկությունը. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ ոչ բնակելի տան արտաքին պատը (մոտ 4 քմ) մասամբ փլուզվել է՝ փակելով երթևեկությունը. առկա են թուլացած քարեր:
Փրկարարները սահմանազատել են տարածքը: Կենտրոն վարչական շրջանի կոմունալ բաժնի կողմից կիրականացվեն համապատասխան աշխատանքներ:
