«2019 թվականին մենք դեռ խոսում ենք ռասիզմի և հոմոֆոբիայի մասին: Սարսափելի է, թե ինչ աշխարհ ենք թողնելու երեխաների համար». Ժիրու

«Չելսիի» հարձակվող Օլիվյե Ժիրուն իր վերաբերմունքն է հայտնել Լիգա 1-ի խաղերում հոմոֆոբ պաստառների շուրջ տիրող իրավիճակի վերաբերյալ:

– Ո՞րն է Ձեր դիրքորոշումը վերջին շաբաթների ընթացքում ֆրանսիական հասարակությանը անհանգստացնող հոմոֆոբ պաստառների վերաբերյալ:

– Պետք չէ ամեն ինչ իրար խառնել: Երկրպագուների երգերը տարիներ շարունակ գոյություն ունեն, մենք չպետք է շփոթենք դրանք վերջին պաստառների հետ: Ես չեմ հասկանում, թե ինչպես են նույն կերպ գնահատում արժեքները:

Կարո՞ղ ենք խանգարել երկրպագուներին երգել այս երգերը: Չգիտեմ, բայց տրիբունաներից պաստառները պետք է հանվեն: Պետք է կարողանալ հայտնաբերել հրահրողներին և չթողնել նրանց մարզադաշտեր:

Անգլիայում դա չէր կարող պատահել, քանի որ ներմուծվեցին երկրպագուներին սահմանափակող տուգանքներ: «Չելսիում» մարզադաշտում գտնվող մեկ տղա բղավեց ռասիստական վիրավորանքներ, իսկ հետո նրան արգելվեց մուտք գործել մարզադաշտ ամբողջ կյանքում: Ահա լուծումը:

2019-ին մենք դեռ խոսում ենք ռասիզմի և հոմոֆոբիայի խնդիրների մասին: Սա նշանակում է, որ հասարակության մեջ կարծիքը ամբողջովին չի փոխվել: Դա վախեցնում է: Սարսափելի է, թե ինչ աշխարհ ենք թողնելու երեխաների համար:

– Ինչպե՞ս կարող ենք բարելավել իրավիճակը այս հարցերի շուրջ:

– Սա կրթության, տեղեկացվածության խնդիր է: Եթե դուք ձեր երեխաները տանը չեք բացատրում այս բաները, դա լավ չէ:

Ես աջակցում եմ կանխարգելիչ արշավներին: Գործընթացը շատ երկար է լինելու:

Հիշեցնենք, որ ՊՍԺ-ն զգուշացրել է իր երկրպագուներին, որ կզրկի նրանց բաժանորդագրություններից՝ ռասիզմի, խտրականության և հոմոֆոբիայի դրսևորումների համար:

Փարիզյան ակումբը նամակներ է ուղարկել երկրպագուներին, որտեղ հանդես է եկել հայտարարությամբ:

ՊՍԺ-ն դեմ է ռասիզմի և խտրականության բոլոր ձևերին՝ մարզադաշտերում և դրանից դուրս: Այս տեսակի դրսևորումները կարող են հանգեցնել նրան, որ մրցավարը դադարեցնի հանդիպումը:

Ակումբը խստորեն զգուշացրել է, որ նման դրսևորումների դեպքում կզրկի երկրպագուներին տարեկան բաժանորդագրումից:

Սիրարփի Աղաբաբյան