Օգտվելով պատուհանը բաց լինելու հանգամանքից` մեքենայից հափշտակել են դրամապանակ
Սեպտեմբերի 1-ին, ժամը 12.30-ի սահմաններում, Երևանի Յոզեֆ Մարկվարտի փողոցում կայանած «Օպել» մակնիշի մեքենայից գողություն էր կատարվել: Օգտվելով պատուհանը բաց լինելու հանգամանքից` մեքենայից հափշտակել էին դրամապանակ, որի մեջ վարորդական իրավունքի վկայական ու բանկային քարտեր էին:
Վարորդը ոստիկանություն չէր դիմել: Իրավապահներն իրենք էին պարզել եղելությունը, հայտնաբերել կասկածվողին:
Սեպտեմբերի 4-ին ոստիկանության Չարբախի բաժանմունքի ծառայողները, նշված գողությունը կատարելու կասկածանքով, ոստիկանության Չարբախի բաժանմունք բերման ենթարկեցին Մարկվարտի փողոցի 55-ամյա մի բնակչի: Նա տվել է խոստովանական բացատրություն:
Տուժողից ընդունվել է հաղորդում:
Գողոնն առգրավված է:
Փաստի առթիվ նախապատրաստվում են նյութեր:
