Հայտնի է Հայաստանի ֆուտբոլի Սուպերգավաթի խաղարկության օրը
«Արարատ-Արմենիա»-ն և «Ալաշկերտ»-ը Հայաստանի ֆուտբոլի Սուպերգավաթը կխաղարկեն սեպտեմբերի 24-ին: Այս մասին հայտնում է Հայաստանի ֆուտբոլի ֆեդերացիան:
«Հակոբ Տոնոյանի անվան Սուպերգավաթի խաղարկության «Արարատ-Արմենիա»-«Ալաշկերտ» հանդիպումը կկայանա սեպտեմբերի 24-ին՝ «Հանրապետական» մարզադաշտում: Սկիզբը՝ ժամը 19:00-ին»,- հայտնում է ֆեդերացիան:
Փոխանցիկ գավաթն այժմ «Ալաշկերտ»-ինն է, որը նախորդ խաղարկությունում 2-0 հաշվով հաղթել է գավաթակիր «Գանձասար-Կապան»-ին:
