Բակո Սահակյանի հրամանով Գագիկ Ղահրամանյանին շնորհվել է ոստիկանության գեներալ-մայորի կոչում

Արցախի հանրապետության նախագահ Բակո Սահակյանի հրամանագրով ոստիկանության պետի տեղակալ Գագիկ Ղահրամանյանին շնորհվել է ոստիկանության գեներալ-մայորի կոչում։

Գագիկ Ղահրամանյանը ծնվել է 1972թ. նոյեմբերի 30-ին, Ստեփանակերտ քաղաքում: 1997թ. ավարտել է ԱրՊՀ-ի ՆԶՊ և ֆիզկուլտուրա բաժինը, իսկ 2009թ.` «Մեսրոպ Մաշտոց» համալսարանի իրավագիտության ֆակուլտետը: 1992-1998թթ. ծառայել է ԼՂՀ պաշտպանության բանակում:

1999թ. սեպտեմբերի 13-ին նշանակվել է ԼՂՀ ՆԳՆ հատուկ նշանակության ստորաբաժանման հրամանատարի տեղակալի պաշտոնում: 2000թ. մարտի 10-ին նշանակվել է ԼՂՀ ՊԲ «Ն» զորամասի հրամանատարի տեղակալի, ինքը և շտաբի պետի պաշտոնին: 2002թ. ապրիլի 1-ին նշանակվել է ԼՂՀ ՆԳՆ հատուկ նշանակության ծառայության պետի տեղակալի, ինքը և հատուկ միջոցառումների կազմակերպման բաժնի պետի պաշտոնում: 2005թ. ապրիլի 1-ից մինչև 2007թ. հոկտեմբերի 5-ը ծառայել է ԼՂՀ Ազգային անվտանգության ծառայությունում:

2007թ. հոկտեմբերի 5-ից գլխավորում էր ԼՂՀ ոստիկանության Ստեփանակերտի քաղաքային վարչությունը: ԼՂՀ Նախագահի 2013թ. ապրիլի 19-ի հրամանագրով նշանակվել է ԼՂՀ ԿԱ ԼՂՀ ոստիկանության պետի տեղակալի պաշտոնում: Ակտիվ մասնակցություն է ցուցաբերել Արցախյան Ազատամարտին: ԼՂՀ Նախագահի հրամանագրերով պարգևատրվել է «Մարտական խաչ» 2-րդ աստիճանի շքանշանով և «Երախտագիտություն» մեդալով։

Պարգևատրվել է «Երկարամյա ծառայության համար» 2-րդ և 3-րդ աստիճանի, «Շուշիի ազատագրման համար», «Մարշալ Բաղրամյան», «Մայրական երախտագիտություն», «Մարտական համագործակցության համար», «Հայրենյաց պաշտպան», «Մարտական զորակցություն» և «Օրենքի պատվար», ՀՀ ոստիկանության «Ոստիկանության 100-ամյակ» հոբելյանական մեդալներով:

Ամուսնացած է, ունի չորս զավակ:

ԱՀ ոստիկանություն