Ոստիկանները Սյունիքի մարզում ապօրինի թմրամիջոց են հայտնաբերել
Օգոստոսի 26-ին «Կանեփ-կակաչ-2019» համալիր օպերատիվ-կանխարգելիչ միջոցառման շրջանակներում ոստիկանության ԿՀԴՊ ԳՎ թմրամիջոցների անօրինական շրջանառության դեմ պայքարի և Սյունիքի մարզային վարչությունների ծառայողները, Սիսիանի բաժնի քրեական հետախույզների հետ համատեղ, Բռնակոթ գյուղի 50-ամյա մի բնակչի տնամերձ հողամասից զննությամբ հայտնաբերեցին կանեփի թփին նմանվող 50 բույս: Կանեփանման ևս 187 բույս, բայց արդեն կիսաչոր վիճակում, ոստիկանները հայտնաբերեցին հողամասի խոտի դեզի մեջ:
Ըստ 50-ամյա տղամարդու` հայտնաբերվածը կանեփ է, աճեցրել և պահել է իր անձնական օգտագործման համար:
Նշանակվել են փորձաքննություններ:
Հանգամանքները պարզվում են:
Նախապատրաստվուն են նյութեր:
