Դերասան Քևին Հարթն ավտովթարի է ենթարկվել Կալիֆոռնիայում
Ամերիկացի դերասան Քեւին Հարթը սեպտեմբերի 1-ին ավտովթարի է ենթարկվել Կալիֆոռնիայում եւ մեջքի ուժեղ վիասածք ստացել: Այդ մասին հայտնել է TMZ պորտալը՝ վկայակոչելով ոստիկանության աղբյուրներ:
Նրանց տվյալներով՝ Plymouth Barracuda ավտոմոբիլը, որում գտնվում էին վարորդը, Հարթը եւ մի կին, Մալիբուի մերձակա ավտոճանապարհի շրջադարձին բախվել է արգելապատին եւ ընկել խորը հեղեղատը:
Դերասանը, ում պատկանում է ավտոմեքենան, եւ ղեկի առջեւ նստած տղամարդը, «մեջքի լուրջ վնասվածքներ են ստացել», նրանց ուղեկցուհուն բժշկական օգնություն չի պահանջվել: Ոստիկանությունը պարզել է, որ վարորդը ոգելից խմիչքներ չի օգտագործել: Ծնունդով Ֆիլադելֆիայից (Փենսիլվանիայի նահանգ) 40-ամյա դերասանը խաղացել է 75 ֆիլմում եւ հեռուստասերիալներում:
Դրանցից առավել հայտնիներն են՝ «Մեկուկես լրտես» (Central Intelligence, 2016 թվական), «Շատ սարսափելի կինո 4»(Scary Movie 4, 2006 թվական), «Հիմարների ոսկին»(Fool՚s Gold, 2008 թվական), «9մմ» (9mm, 2012 թվական), «Ջումանջի. ջունգլիների կանչը»(Jumanji: Welcome to the Jungle, 2017 թվական), հաղորդել է ՏԱՍՍ-ը:
