Պակիստանում կամուրջի փլվելու հետևանքով 24 մարդ մահացել է
Պակիստանում հարսանեկան արարողությունից հետո 24 քաղաքացու տեղափոխող ավտոմեքենան կամուրջի փլվելու հետևանքով ընկել է գետը: Այս մասին հայտնում է «ՌԻԱ Նովոստի»-ն:
Մեքենայում գտնվողները, ովքեր բոլորը մեկ ընտանիքից են եղել, մահացել են:
Նշվում է, որ կամուրջը չի դիմացել գերծանրաբեռնված մեքենայի ծանրությանը:
Ոստիկաններն ու տեղացիները սկսել են մահացածների մարմինների որոնողական աշխատանքները:
