«Ինձ դուր չի գալիս VAR-ը: Բայց դրա շնորհիվ ես կվաստակեմ ավելի շատ 11-մետրանոցներ». Սալահ
«Լիվերպուլի» հարձակվող Մոհամեդ Սալահը կիսվել է ֆուտբոլում VAR համակարգի օգտագործման վերաբերյալ իր տեսակետով:
«Ինձ դուր չի գալիս VAR-ը, իմ պատասխանը միշտ նույնն է: Ինձ դուր չի գալիս այդ համակարգը: Ես սիրում եմ ֆուտբոլը այնպես, ինչպես կա`մրցավարների սխալներով և երբեմն էլ՝ խաղացողների ագրեսիվությամբ:
Խաղացողներին վտանգավոր խաղից պաշտպանելը լավ է, բայց դա, իմ կարծիքով, VAR-ի օգտագործման միակ պատճառն է:
Անձամբ ես ֆուտբոլը ընդունում եմ մրցավարների և ֆուտբոլիստների սխալներով, ինչպես նաև մնացած բոլոր բաներով: Սա թույլ է տալիս նրան լինել այսքան հետաքրքիր:
Ինչ վերաբերում է VAR-ի ազդեցությանը, ապա դրա շնորհիվ ես կվաստակեմ ավելի շատ 11-մետրանոցներ: Իմ հանդեպ խախտումները ավելի շատ կարձանագրվեն, կտեսնեք»,- ասել է Սալահը:
Սիրարփի Աղաբաբյան
