Մանջուկիչը՝ Մեսսիի, Սուարեսի և Դեմբելեի փոխարե՞ն
Թուրինի «Յուվենթուսի» հարձակվող Մարիո Մանջուկիչը կարող է շարունակել կարիերան Իսպանիայում:
Goal.com-ի տեղեկություններով, «Բարսելոնան» հետաքրքրություն է ցուցաբերում 33-ամյա խաղացողի նկատմամբ: Կատալոնացիներն ակնկալում են, որ խորվաթը կկարողանա ուժեղացնել հարձակման գիծը այս իրավիճակում, երբ վնասվածքներ ունեն Լիոնել Մեսսին, Լուիս Սուարեսը և Ուսման Դեմբելեն:
Բացի այդ, «Յուվենթուսը» հետաքրքրված է «Բարսելոնայի» ձախ եզրային պաշտպան Խուան Միրանդայի ծառայություններով: Նա կարող է ևս դառնալ Մանջուկիչի տրանսֆերի մաս:
Կողմերը բանակցում են, բայց դեռևս ոչ մի պաշտոնական որոշում չի կայացվել:
Սիրարփի Աղաբաբյան
