«Դեմ եմ ՀՀ-ում հանքերի շահագործմանը, բայց…». «Իմ քայլը» խմբակցության պատգամավոր

ԱԺ «Իմ քայլը» խմբակցության պատգամավոր Արթուր Հովհաննիսյանը ֆեյսբուքյան իր էջում գրում է.

«Դեմ եմ ՀՀ-ում հանքերի շահագործմանը և ամեն ինչ անելու եմ, որ մեր երկրում տնտեսությունը զարգանա ոչ թե բնության հաշվին, այլ բնության շնորհիվ, բայց․․․

Դեռևս 1 տարի 2 ամիս առաջ խնդրի լուծման վերաբերյալ Նիկոլ Փաշինյանը առաջարկեց միակ լուծումը, որը տեղավորվում էր իրավական ու ժողովրդավար պետության տրամաբանության մեջ. այն է, կասեցնելով հանքի շահագործումը` անառարկելի հեղինակությամբ ընկերությանը պատվիրել փորձաքննություն, որի հիման վրա էլ կկայացվի վերջնական որոշումը։ Չեմ հիշում որևէ առարկություն առաջարկի վերաբերյալ։

Ամեն բան արվել է 1 տարի 2 ամիս առաջ կառավարության և քաղաքացիների միջև «կնքված» քաղաքացիական պայմանագրի համաձայն։

Փորձաքննությունն արված է և եզրակացության մասին, կարծում եմ, տեղյակ ենք բոլորս։

«Իմ քայլը» խմբակցության երեկվա մոտ 5 ժամ տևած հանդիպումը ինձ թույլ է տալիս վստահ ասել, որ եթե Ամուլսարի հանքի շահագործման թույլատվությունը լիներ այս կառավարության որոշման տիրույթում, Ամուլսարը սար էր մնալու և վերջ, սակայն մենք ժառանգել ենք մի իրավաճակ, որի լուծումը պետք է լինի միայն օրենքի և փաստերի հիման վրա։

Միանշանակ է, որ հեղափոխությունից հետո Ամուլսարի հանքի շահագործումը կառավարության համար մշտապես եղել և մնալու է կարևորագույն հարցերից մեկը։

Որպես «Իմ քայլը» խմբակցության պատգամավոր և «Քաղաքացիական պայմանագիր» կուսակցության անդամ` աջակցում եմ ՀՀ կառավարությանը և կիսում եմ քաղաքական պատասխանատվությունը»։

https://www.facebook.com/ArturHovhannisyanOfficial/posts/350536585831897?__xts__[0]=68.ARBnVK8hbNPXue8y2hM2qVqwz7B-kauMaRfeKO2Hf7M08Q29qgkmqTl4G7Zz68LOXJXH1EuAyXvGkNka3g1zz3BoeSb1bZ-8IjGmqH4IXNAtrJ3NrJKNQVlN-YdvvDCUoA2H55HPAzvFk1-Ou80CzdVVXmcagT6XRigrp5czERde1J-ZxX1F7EM3wjH1RH-rpcJGxd7iRuLLGC4Abk_zcjOxBHKEOqda8DYzyn6Z4LfHVcNZia0ich2k3dtej6ItYBLGvxUQsBtKGz_JYmu_-WZ6K1b1C9JqVX3WCbsHXlQAKzXcjlFKPp_vt6ivhqtqaMJOcHN7HBJofJbkEsw&__tn__=-R