Իրանի ԱԳ նախարարը կայցելի Ճապոնիա և Չինաստան
Իրանի արտաքին գործերի նախարար Մոհամադ Ջավադ Զարիֆը կայցելի Ճապոնիա եւ Չինաստան: Այդ մասին հայտարարել է Իրանի ԱԳ նախարարության պաշտոնական ներկայացուցիչ Աբաս Մուսավին:
«Նա (Զարիֆը) կուղեւորվի Չինաստան, ինչպես նաեւ Ճապոնիա»,- ասել է նա բրիֆինգի ընթացքում, նշելով, որ օրակարգը ներառելու է երկկողմ համագործակցության հարցերը եւ հրատապ այլ խնդիրներ:
Մուսավին հավելել է, որ օգոստոսի վերջին պլանավորված են Զարիֆի ուղեւորություններն Ասիայի երկրներ, հաղորդել է ՌԻԱ Նովոստին:
