«Ռուսթավի-2»-ի նախկին գլխավոր տնօրենընոր հեռուստաընկերություն է հիմնադրել
Վրացական ընդդիմադիր «Ռուսթավի-2» հեռուստաընկերության նախկին գլխավոր տնօրեն Նիկա Գվարամիան հայտարարել է, որ հիմնել է նոր հեռուստաընկերություն՝ «Մտավարի արխի» (գլխավոր ալիք):
Ֆեյսբուքյան իր էջում Գվարամիան գրել է. «Հիմնվել է «Մտարվի արխի» հեռուստաալիքը, որի սեփականատերը ես եմ: Շուտով կիմանաք ներդրողների մասին: Եթե դուք գոնե մեկ լարի ներդնեք, ապա շատ կօգնեք մեզ և կիրականացնեք ներդրում Վրաստանի արևմտյան ու ժողովրդավարական ապագայի վրա»:
Գվարամիան «Ռուսթավի-2»-ի գլխավոր տնօրենի պաշտոնից հեռացվել էր հուլիսի 18-ին, այն բանից հետո, երբ հեռուստաալիքը փոխեց սեփականատերերին:
Այժմ հեռուստաալիքի սեփականատերերն են բիզնեսմեն Կիբար Խալվաշին՝ 60 տոկոս, և նրա՝ «Պանորամա» ընկերությունը՝ 40 տոկոս: Գվարամիայի հեռանալուց հետո դատախազությունը նրա նկատմամբ ֆինանսական խախտումների մասին հարցեր է առաջադրել: Նա մի քանի անգամ կանչվել է հարցաքննության: Այնուհետև գլխավոր դատախազությունը նրան մեղադրել է հեռուստաալիքին խոշոր ֆինանսական վնաս պատճառելու մեջ:
