26-ամյա երիտասարդը բերման է ենթարկվել
Մաշտոցի քրեական հետախույզները, իրացնելով օպերատիվ տվյալները, օգոստոսի 14-ին, ժամը 20.10-ին, Հալաբյան փողոցից, գողություն կատարելու կասկածանքով, բերման են ենթարկել Հարավարևմտյան Բ2 թաղամասի բնակիչ 26-ամյա մի երիտասարդի:
Իրավապահները պարզել էին, որ հուլիս-օգոստոս ամիսներին, օգտվելով մի ձեռնարկության աշխատակիցների անուշադրությունից, նա գողացել է վեց շիշ օղի:
Երիտասարդը բացատրություն է տվել, որ Աջափնյակ վարչական շրջանից կատարել է այլ գողություններ ևս:
Մասնավորապես պարզվել է, որ նա Սիլիկյան թաղամասում գտնվող մեկ այլ ձեռնարկությունից գողացել է օղի և կոնյակ:
Նախապատրաստվում են նյութեր:
