Կիո Զուրաբչյանը Կոուտինյոյի գործով Փարիզ չի մեկնել
«Բարսելոնայի» կիսապաշտպան Ֆիլիպե Կոուտինիոյի գործակալ Կիա Զուրաբչյանը հերքել է, որ գտնվում է Փարիզում՝ քննարկելու խաղացողի տեղափոխությունը ՊՍԺ՝ որպես հարձակվող Նեյմարի՝ կատալոնական ակումբ վերադարձի մաս:
«Ես Փարիզում չեմ, ես Լոնդոնում եմ»,- ասել է գործակալը:
27-ամյա բրազիլացու մեկ այլ գործակալ Ջուլիանո Բերտոլուչին նույնպես հերքել է այդ տեղեկատվությունը՝ հասկացնելով, որ իրենք սպասում են նորություններ Բարսելոնայից:
Մինչ այժմ Կոուտինիոյի գործակալները միայն «Բավարիայից» են առաջարկ ստացել՝ բրազիլացի ֆուտբոլիստին վարձակալելու և հետագայում գնելու համար:
Ավելի վաղ հաղորդվում էր, որ կատալոնացիների տեխնիկական քարտուղար Էրիկ Աբիդալը, «Բարսելոնայի» փոխնախագահ Խավիեր Բորդասը և գործակալ Անդրե Կուրին, ով սովորաբար ակումբի բիզնեսն է վարում Հարավային Ամերիկայում, նույնպես մեկնել են Ֆրանսիա:
Հայտնի է դարձել նաև, որ ՊՍԺ-ն Նեյմարի համար 250 միլիոն եվրո է պահանջում:
Սիրարփի Աղաբաբյան
