«Կարծում եմ, որ «Բարսելոնայի» ֆուտբոլիստներն ու երկրպագուները կցանկանային, որ Նեյմարը վերադառնա»
«Բարսելոնայի» կիսապաշտպան Արթուրը կիսվել է իր մտքերով՝ հարձակվող Նեյմարի կատալոնյան ակումբ հնարավոր վերադարձի մասին:
«Ես չեմ խոսում Նեյմարի հետ նրա ապագայի մասին, քանի որ չեմ ուզում նյարդայնացնել նրան: Բոլորը հարցնում են նրան այդ մասին, և ես նրա հետ խոսում եմ շատ այլ բաների մասին:
Չգիտեմ՝ կգնա՞ Նեյմարը, թե՞ ոչ: Տեսնենք, թե ինչ կլինի: Կարծում եմ, որ «Բարսելոնայի» ֆուտբոլիստներն ու երկրպագուները կցանկանային, որ Նեյմարը վերադառնա, քանի որ Նեյմարը զարմանալի խաղացող է:
Ինձ շատ դուր է գալիս խաղալ նրա հետ Բրազիլիայի հավաքականի համար: Հուսով եմ, որ կկարողանամ հաճույք ստանալ նրա հետ այստեղ խաղալով»,- ասել է Արթուրը:
Սիրարփի Աղաբաբյան
