Խուան Մարտին դել Պոտրոն բաց կթողնի ԱՄՆ բաց առաջնությունը
Օլիմպիական խաղերի փոխչեմպիոն թենիսիստ Խուան Մարտին դել Պոտրոն չի մասնակցի ԱՄՆ բաց առաջնությանը:
30-ամյա արգենտինացին չի հասցնի վերականգնվել վնասվածքից հետո, որի պատճառով վիրահատության էր ենթարկվել: Դել Պոտրոն վնասվածքը ստացել էր հունիսին Լոնդոնի միջազգային մրցաշարում, իսկ հուլիսին Բարսելոնայում վիրահատվել էր:
Թենիսի «Մեծ սաղավարտ»-ի չորս մրցաշարերից վերջին` ԱՄՆ բաց առաջնությունը, այս տարի կկայանա օգոստոսի 26-ից սեպտեմբերի 8-ը Նյու Յորքում:
