Վենեսուելայի նախագահը փոխել է վեց նախարարի և կարգադրել է ստեղծել նոր գերատեսչություն
Վենեսուելայի նախագահ Նիկոլաս Մադուրոն օգոստոսի 12-ին մի շարք փոփոխություններ է կատարել երկրի գերատեսչություններում: Համապատասխան հաղորդագրությունը նա հրապարակել է Twitter-ի իր էջում։
«Նորացման եւ փոփոխությունների գործընթացի շրջանակում ես որոշեցի նշանակել մեծ փորձով եւ բարձր պատասխանատվությամբ մի խումբ պրոֆեսիոնալների, որոնք կարեւոր գործառույթներ կկատարեն երկրի համալիր զարգացման համար»,- գրել է քաղաքական գործիչը:
Մադուրոն նշել է, որ ստեղծել է նոր գերատեսչություն՝ ՝զբոսաշրջության եւ արտաքին առեւտրի նախարարություն, դրա ղեկավար է նշանակվել Ֆելիքս Ռամոն Պլասենսիա Գոնսալեսը:
Այս տարվա գարնանը Մադուրոն հայտարարել էր երկրի ղեկավարման համակարգում փոփոխությունների պլանի մշակման մասին՝ «կառավարության կատարած սխալների ուղղման համար», հաղորդել է ՏԱՍՍ-ը:
