«Հիմա մենք գիտենք, որ դրանք պարզապես բառեր էին». Պոգբան՝ «Մանչեսթեր Յունայթեդից» հեռանալու շշուկների մասին
Անգլիական «Մանչեսթեր Յունայթեդի» կիսապաշտպան Պոլ Պոգբան ԱՊԼ-ի առաջին տուրի շրջանակներում «Չելսիին» ջախջախելուց հետո (4:0) հայտարարել է, որ միշտ հանդես է գալու մանկունյանցիների կազմում՝ առավելագույն նվիրվածությամբ:
Լոնդոնցիների հետ խաղում Պոգբան իր հաշվին գրանցեց երկու գոլային փոխանցում:
«Ես միշտ առավելագույնս նվիրվելու եմ դաշտում: Հիմա մենք գիտենք, որ դրանք պարզապես բառեր էին (ակումբից հեռանալու մասին): Ժամանակը ցույց կտա:
Ես Մանչեսթերում եմ: Ուրախ ժամանակ եմ անցկացնում ակումբակիցներիս հետ, միշտ ուզում եմ հաղթել: Ես միշտ ինձ ամբողջությամբ ներդնելու եմ դաշտում»,- Պոգբայի խոսքերն է մեջբերում Goal.com-ը:
Պատրաստեց Անի Գաբուզյանը
