Երևանի Հյուսիսային ավտոկայանի մոտակայքում այրվում է խոտածածկ տարածք
ՀՀ արտակարգ իրավիճակների նախարարության «911» ծառայությունն ահազանգ է ստացել, որ Երևան քաղաքի Հյուսիսային ավտոկայանի մոտակայքում այրվում է խոտածածկ տարածք:
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատի երկու մարտական հաշվարկ:
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, հրդեհը մեկուսացվել է ժամը 18:52-ին:
Նախարարությունը կտրամադրի լրացուցիչ տեղեկություն: