ՉԺՀ-ն ևՃապոնիան կվերսկսեն ռազմավարական երկխոսությունը յոթնամյա ընդմիջումից հետո
ՉԺՀ-ի փոխարտգործնախարար Լե Յույչենը եւ նրա ճապոնացի պաշտոնակից Տակեո Ակիբան օգոստոսի 10-ին կանցկացնեն երկու երկրների միջեւ ռազմավարական երկխոսության նոր փուլ: Օգոստսի 8-ի այդ մասին հայտնել է ՉԺՀ-ի ԱԳ նախարարության պաշտոնական ներկայացուցիչ Հուա Չունյինը։
«Ըստ երկու երկրների համաձայնության՝ ՉԺՀ-ի փոխարտգործնախարար Լե Յույչենն օգոստոսի 10-ին Ճապոնիայում չին-ճապոնական ռազմավարական երկխոսության նոր փուլ կանցկացնի երկրի արտաքին գործերի փոխնախարար Տակեո Ակիբայի հետ»,- նշված է հայտարարության մեջ: «Կողմերը կարծիքների խորը փոխանակում կկատարեն երկկողմ հարաբերությունների եւ փոխադարձ հետաքրքրություն ներկայացնող միջազգային, ինչպես նաեւ տարածաշրջանային հարցերի շուրջը»,- ընդգծել է գերատեսչության պաշտոնական ներկայացուցիչը:
Ինչպես ասված է ՉԺՀ-ի արտգործնախարարության հաղորդագրության մեջ, երկու երկրների միջեւ ռազմավարական երկխոսությունը վերսկսվել է յոթ տարվա ընդմիջումից հետո, հաղորդել է ՏԱՍՍ-ը: