Սիրիայի հյուսիսային Աֆրին շրջանում հարձակում է եղել. կա 3 զոհ
Սիրիայի հյուսիսային Աֆրին նահանգի Բասուտե գյուղում թուրքական բանակի ուղղությամբ իրականացված հարձակման հետևանքով սպանվել է 1 թուրք զինվոր և Թուրքիայի աջակցությունը վայելող «Սիրիայի ազատ բանակի» (սիրիական ընդդիմադիր զինված խ,բավորում) 2 զինյալ: Այս մասին տեղեկացնում ermenihaber.am-ը:
Այս մասին հայտնում է քրդական «ANF News» լրատվական կայքը:
Քրդական կայքի փոխանցմամբ` դեռևս պարզ չէ, թե ում կողմից է թիրախավորվել այդ շրջանը:
Հիշեցնենք, որ Թուրքիան Սիրիայի քրդական ուժերին համարում է ահաբեկչական։ 2018թ. Թուրքիան Սիրիայի Աֆրին նահանգում հենց վերոնշյալ ընդդիմադիր ուժերի օգնությամբ իրականացնեց «Ձիթենու ճյուղ» ռազմական օպերացիան, որի հետևանքով այն դուրս եկավ Սիրիայի քրդական ուժերի վերահսկողությունից։
