Ավտոմեքենան ամբողջությամբ այվել է. ներսում հայտնաբերվել է անձը չպարզված քաղաքացու այրված դի
Oգոստոսի 5-ին, ժամը 20:48-ին «911» ծառայությանը տեղեկություն է հաղորդվել, որ Արարատի մարզի Տիգրանաշենի ոլորաններում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Պարզվել է, որ Երևան-Մեղրի ավտոճանապարհի 83-րդ կմ-ին՝ Տիգրանաշենի ոլորաններում, «ՎԱԶ-2106» մակնիշի ավտոմեքենան (վարորդի տվյալները չի հաջողվել պարզել) դուրս է եկել ճանապարհի երթևեկելի հատվածից, բախվել ճամփեզրի արգելապատնեշին, մոտ 5 մ սահել ձորակը և բռնկվել:
Հրդեհը մեկուսացվել է ժամը 21:33-ին, մարվել՝ 21:38-ին:
Ավտոմեքենան ամբողջությամբ այվել է. ներսում հայտնաբերվել է անձը չպարզված քաղաքացու այրված դի:
Փրկարարներն ավտոմեքենայից դուրս են բերել դին և մոտեցրել շտապօգնության ավտոմեքենային, այնուհետև ավտոմեքենան մոտեցրել ավտոքարշակին:
