Ախուրյանում կարկուտը մեծ վնասներ է հասցրել
Tsayg.am-ը գրում է. Օգոստոսի 4-ին Ախուրյան խոշորացված համայնքի Ախուրյան, Արեւիկ եւ Կառնուտ բնակավայրերում ժամը 15:30-ի հատվածում տեղացած կարկուտը զգալի վնասներ է տվել հիմնականում բանջարաբոստանային կուլտուրաներին, մեծամասամբ վնասվել են կարտոֆիլի ցանկատարացություններն ու մրգատու ծառերը: Դեռեւս չքաղված հացահատիկը եւս կրել է վնասներ: Այսօր լրատվականի հետ զրույցում Ախուրյանի համայնքապետ Արծրուն Իգիթյանը նշեց, վնասները զգալի են, մարզային եւ համայնքային համապատասխան հանձնաժողովների կողմից իրականացվում է վնասի ստույգ ճշգրտում:
