ՊՍԺ-ն պատրաստ է վարձակալական հիմունքներով Նեյմարին բաց թողնել «Բարսելոնա»
ՊՍԺ-ն և «Բարսելոնան» շարունակում են բանակցությունները բրազիլացի հարձակվող Նեյմարի՝ կատալոնական ակումբ վերադառնալու վերաբերյալ:
Ինչպես հայտնի է դարձել Daily Mail-ին, փարիզեցիները պատրաստ են բաց թողնել Նեյին «Բարսելոնա» վարձակալությամբ մինչև մրցաշրջանի ավարտը, որին պետք է հաջորդի լիարժեք տրանսֆեր դեպի կատալոնական ակումբ:
Այս որոշումը ՊՍԺ-ի ղեկավարությունը կայացրել է ֆուտբոլիստի հետ զրույցից հետո, ով հստակ հասկացրել է, որ չի ցանկանում մնալ Փարիզում: Ֆրանսիայի չեմպիոնները նույնպես նրան չեն դիտարկում՝ որպես թիմի խաղացողի, քանի որ ներկայիս վերաբերմունքով նա թիմի համար կդառնա ավելորդ բեռ:
Պատրաստեց Անի Գաբուզյանը
