Ժամանակավորապես կդադարեցվի Վանաձորի որոշ թաղամասերի, Օշականի և Ոսկեվազի գազամատակարարումը
«Գազպրոմ Արմենիա» ՓԲ ընկերությունը տեղեկացնում է, որ պլանային աշխատանքներ իրականացնելու նպատակով հուլիսի 31-ին ժամը 11.00-17.00-ն կդադարեցվի Արագածոտնի մարզի Օշական և Ոսկեվազ համայնքների, ժամը 11.00-18.00-ն՝ Լոռու մարզի Վանաձոր քաղաքի Մոսկովյան, Խորենացու, Զորյան, Ֆիդայինների, Օգոստոսի 23-ի փողոցներով, Տիգրան Մեծ պողոտայով պարփակված և «Քիմիագործներ» թաղամասերի շենքերի և առանձնատների, հարակից տարբեր նշանակության հանրային օբյեկտների գազամատակարարումը:
«Հայցում ենք գազասպառողների ներողամտությունը և խնդրում ենք պահպանել անվտանգության կանոնները: Գազանջատման և գազամատակարարման վերականգնման վերաբերյալ լրացուցիչ տեղեկություններ ստանալու նպատակով զանգահարեք 1-04 հեռախոսահամարով»,- նշված է ընկերության հասարակայնության և ԶԼՄ-ների հետ կապերի ծառայությունից տրամադրված հաղորդագրության մեջ:
