Աֆղանստանում 50-ից ավելի թալիբներ են ոչնչացվել ռազմական գործողության ընթացքում
Աֆղան ուժայինները «Թալիբան» արմատական շարժման ավելի քան 50 զինյալների են ոչնչացրել Բաղլանի նահանգում իրականացված գործողության ընթացքում: Այդ մասին հայտնել է Khaama Press գործակալությունը՝ վկայակոչելով զինվորականների:
«Շահին» 209-րդ ռազմական օկրուգի հայտարարության համաձայն՝ Աֆղանստանի հյուսիս – արեւելքի Բաղլանի նահանգում «Թալիբանի» դեմ պատասխան գործողության ընթացքում ոչնչացվել է 52 զինյալ, եւս 33-ը՝ վիրավորվել: Նշվում է, որ գործողությունը ներառել է օդային հարվածներ: Աֆղան զինվորականներին նաեւ հաջողվել է առգրավել զենք եւ զինամերք, ներառյալ 82-միլիմետրանոց ականաետ, մի քանի ՌՊԳ-7 նռնականատեր եւ Կալաշնիկովի գնդացիրներ, հաղորդել է ՌԻԱ Նովոստին:
