Բրազիլիայի բանտերից մեկում խռովության հետևանքով զոհվածների թիվը հասել է 57-ի
Բրազիլիայում բանտային խռովության հետեւանքով զոհվածների թիվը հասել է 57-ի, 17 մարդ գլխատվել է եւ 41-ը մահացել շնչահեղձ լինելուց: Այդ մասին ՌԻԱ Նովոստիին հայտնել են Պարայի նահանգի պատժական համակարգի գլխավոր վարչությունում:
Ավելի վաղ հաղորդվել էր 52 զոհվածերի մասին: Անկարգություններն սկսվել են հուլիսի 29-ին առավոտյան ժամը յոթին եւ շարունակվել մինչեւ կեսօր (Երեւանի ժամանակով 19:00): Ավելի ուշ այն հարկաբաժիններում, որտեղ տեղի են ունցել ընդհարումները, հրդեհ է սկսվել, եւ բանտարկյալներից շատերը մահացել են շնչահեղձությունից:
Իշխանությունները մի քանի ժամ չեն կարողացել մտնել շենք, որտեղ տեղի է ունեցել խռովությունը, եւ պազել զոհերի ստույգ թիվը: Վարչության տեղեկատվությամբ՝ ընդհարումները տեղի են ունեցել երկու մրցակցող խմբավորումների միջեւ, որոնք զբաղվում են թմրանյութերի ապօրինի շրջանառությամբ, հաղորդել է ՌԻԱ Նովոստին:
