Ֆիլիպիններում երկրաշարժը խլել է առնվազն հինգ մարդու կյանք
Ֆիլիպինների հյուսիսում տեղի ունեցած երկրաշարժի հետևանքով մահացել է առնվազն 5 մարդ, 12-ը ստացել են վնասվածքներ: Այս մասին հայտնում է «ՌԻԱ Նովոստի»-ն:
ԱՄՆ երկրաբանական ծառայության տվյալներով՝ երկրաշարժի ուժգնությունը կազմել է 5,9 մագնիտուդ, օջախը գտնվել է 10 կմ խորության վրա:
Հաղորդվում է, որ վնասվել են տներ ու շինություններ: Ցունամիի վտանգ չի հայտարարվել:
