«Գազպրոմ Արմենիա» ՓԲԸ «Ուսումնա-սպորտային համալիր» հիմնարկի դպրոցը հայտարարում է ընդունելություն
«Գազպրոմ Արմենիա» փակ բաժնետիրական ընկերության «Ուսումնա-սպորտային համալիր» հիմնարկը՝ հիմք ընդունելով ՀՀ կրթության, գիտության, մշակույթի և սպորտի նախարարի հրամաններով տրամադրված լիցենզիաները, հայտարարում է ընդունելություն տարրական հանրակրթական ծրագրով՝ տարրական դպրոցում, հիմնական հանրակրթական ծրագրով՝ միջին դպրոցում և միջնակարգ հանրակրթական ծրագրով՝ ավագ դպրոցում:
Դպրոցում կրթությունը իրականացվելու է հանրակրթության պետական չափորոշչին համապատասխան՝ ռուսերեն և անգլերեն լեզուների խորացված ուսուցմամբ: Դպրոցում ուսումը վճարովի է:
Դպրոցը գտնվում է Երևանի Ավան վարչական շրջանի Ծարավ Աղբյուր փողոցի 55/25 հասցեում և մաս է կազմում ժամանակակից ուսումնա-սպորտային համալիրի, որի կազմում առկա են փակ սահադաշտ, մարզաառողջարարական կենտրոն և մանկապարտեզ:
Փաստաթղթերը ընդունվում են 2019 թվականի օգոստոսի 1-ից, աշխատանքային օրերին, ժամը 9:30-ից մինչև 17:30-ն:
Մանրամասներին կարող եք ծանոթանալ` այցելելով դպրոց կամ «Գազպրոմ Արմենիա» ՓԲԸ պաշտոնական կայք այս հղումով:
Հասարակայնության և ԶԼՄ–ների հետ կապերի ծառայություն
