Վարչապետից մերժում ստանալուց հետո վանաձորցին լքեց դահլիճը
ՀՀ վարչապետ Նիկոլ Փաշինյանն այսօր Լոռու մարզում մասնակցում էր մարզի «Հայաստանի մանուկներ» բարեգործական հիմնադրամի (ՔՈԱՖ) ՍՄԱՐԹ կենտրոնում կազմակերպած «ՍՄԱՐԹամեջ» միջոցառմանը:
Վարչապետի հիմնական ելույթից հետո ներկաներից մեկը դիմելով Նիկոլ Փաշինյանին՝ խնդրեց, որ միջոցառումից հետո իրեն հանդիպման համար ժամանակ տրամադրի, ինչին ի պատասխան՝ Նիկոլ Փաշինյանն ասաց, որ այսօր չի կարող։
«Ես Ղազարյան Կարենն եմ, Վանաձորից։ Դուք ընդհանրապես քաղաքացիների հետ հանդիպելու ձևաչափ չունեք»,- նշեց քաղաքացին։
Արձագանքելով՝ վարչապետն ասաց, որ տարբեր ձևաչափեր ունեն, սակայն Կարեն Ղազարյանն ասաց, որ, եթե հանդիպելու ձևաչափ չունի, ապա ինքն այնտեղ անելիք չունի, որից հետո անմիջապես դահլիճից հեռացավ։
Զվարթ Խաչատրյան
