Թուրքիայի հետ C-400 զենիթահրթիռային համակարգերի գործարքն ընթանում է ըստ պլանի. Պեսկով
Թուրքիայի հետ Ռուսաստանի C-400 զենիթահրթիռային համակարգերի գործարքն ընթանում է ըստ պլանի: Այս մասին հայտարարել է Ռուսաստանի Դաշնության նախագահի մամուլի քարտուղար Դմիտրի Պեսկովը: Այս մասին հայտնում է «ՌԻԱ Նովոստի»-ն:
«Ես Կրեմլից կարող եմ հաստատել, որ C-400-ի գործարքն իրականացվում է ըստ ծրագրի»,- լրագրողներին ասել է Պեսկովը:
Ավելի վաղ թուրքական հեռուստաալիքներից մեկը հայտնել էր, որ զենիթահրթիռային համակարգերը հուլիսի 7-ին կտեղադրվեն երկու բեռնատար օդանավի մեջ և հաջորդ շաբաթ կուղարկվեն Թուրքիա:
Թուրքիայի կողմից ռուսական C-400 զենիթահրթիռային համակարգերի ձեռքբերումը սկանդալ էր առաջացրել այդ երկրի և Միացյալ Նահանգների միջև: ԱՄՆ-ից պահանջում էին հրաժարվել գործարքից և փոխարենը գնել Patriot համակարգերը:
