Դամասկոսը հրթիռակոծվել է
Լրատվամիջոցները հայտնում են Իսրայելի կողմից Սիրիայի մայրաքաղաք Դամասկոսը հրթիռակոծելու մասին: SANA գործակալությունը հաղորդել է, որ հրթիռակոծության հետևանքով 4 մարդ զոհվել է, 21 մարդ վիրավորվել. զոհերից մեկը երեխա է:
Գործակալությունը հայտնում է, որ սիրիական հակաօդային պաշտպանության ուժերը կարողացել են հետ մղել հարձակումը, որի թիրախը եղել են Դամասկոս և Հոմս քաղաքները:
Գործակալության տվյալներով հրթիռներն արձակվել են իսրայելական ռազմական ինքնաթիռներից՝ Լիբանանի օդային տարածքից:
Reuters գործակալությունն էլ հայտնում է, որ Իսրայելի պաշտպանության բանակի ներկայացուցիչները հրաժարվել են մեկնաբանություններից:
