Ալեքսանյանների ընտանիքին պատկանող նախկին մանկապարտեզի շենքը կվերադարձվի համայնքին
Ավագանու նախորդ կազմի 2008 թվականի հոկտեմբերի 29-ի որոշման համաձայն լուծարված՝ Վերոնիկա Գևորգյանի անվան «Սեբաստիա» մանկապարտեզ-դպրոց կրթահամալիր» համայնքային ոչ առևտրային կազմակերպությունը ՀՀ ԱԺ նախկին պատգամավոր Սամվել Ալեքսանյանի ընտանիքը կվերադարձնի Մալաթիա-Սեբաստիա համայնքին:
Այս մասին Երևանի ավագանու նիստի ժամանակ ասաց փոխքաղաքապետ Տիգրան Վիրաբյանը:
Կրթահամալիրի շենքն ու հողատարածքն այդ ժամանակ հանձնվել էին «Ալեքսանյանների ընտանիք» բարեգործական հասարակական կազմակերպությանը՝ 50 տարի ժամկետով անհատույց օգտագործման։
«Հունիսի 30-ին ծանուցման ժամկետը լրանում է, և Երևանի քաղաքապետարանը միակողմանի լուծարում է պայմանագիրը՝ մանկապարտեզը վերադարձնելով համայնքին»,- նշեց Վիրաբյանը:
