Հոլիվուդյան դերասանները պիես են ներկացացրել Մյուլլերի զեկույցի մոտիվներով. New York Post
Հոլիվուդյան աստղերը, որոնց թվում՝ Ալիսա Միլանո Զաքարի Քուինտոն եւ Մայքլ Շեննոն, պիես են խաղացել 2016 թվականի ամերիկյան ընտրություններին «Ռուսաստանի միջամտության» վերաբերյալ ԱՄՆ-ի հատուկ դատախազ Ռոբերտ Մյուլլերի զեկույցի մոտիվներով: Այդ մասին հայտնել է New York Post թերթը:
Հրատարակության տվյալներով՝ «Հետաքննություն. ճշմարտության որոնում տասը գործողությամբ» (The Investigation: A Search for the Truth in Ten Acts) վերտառությամբ պիեսը ուղիղ եթերով հեռարձակվել է 21:00-ին (Երեւանի ժամանակով 5:00-ին): Կայքում, որտեղ զետեղված է պիեսը, նշվում է, որ սցենարիստը Ռոբերտ Շենքանն է:
Ավելի վաղ տեղեկացվել էր, որ Հոլիվուդի աստղերը, որոնց թվում՝ Ռոբերտ Դե Նիրոն եւ Լոուրենս Ֆիշբոռնը, եւ գրող Սթիվեն Քինգը, նկարահանվել են հակառուսական տեսանյութում, որտեղ ԱՄՆ-ի նախագահ Դոնալդ Թրամփին մեղադրել են Ռուսաստանի հետ նախահամաձայնության մեջ, հաղորդել է ՌԻԱ Նովոստին:
