«ՌԴ դեսպանը որևէ սխալ բան չի արել… դիվանագիտական արարողակարգի առումով մենք որևիցե կտրուկ առարկություն չենք կարող անել». ԱԳ փոխնախարար

Արդյո՞ք ՀՀ ԱԳՆ-ն հետաքրքրվել է ՀՀ-ում Ռուսաստանի դեսպանի և ՀՀ երկրորդ նախագահ Ռոբերտ Քոչարյանի միջև տեղի ունեցած հանդիպման բովանդակության վերաբերյալ, արդյո՞ք ՀՀ ԱԳՆ-ի համար խնդիր է Մարտի 1-ի ոճրագործության մեջ մեղադրվող անձի և ՀՀ բարեկամ դաշնակից երկրի դեսպանի երկժամյա հանդիպման բովանդակությունը: Այս հարցադրումն այսօր ԱԺ արտաքին հարցերի մշտական հանձնաժողովի նիստում «Լուսավոր Հայաստան» խմբակցության պատգամավոր Արման Բաբաջանյանն ուղղեց ԱԳ փոխնախարար Գրիգոր Հովհաննիսյանին:

«Ինչո՞ւ մինչև հիմա դեսպանը չի կանչվել ԱԳՆ՝ պարզաբանման համար»,- ասաց Ա.Բաբաջանյանը։

Գ.Հովհաննիսյանը հավաստիացրեց, որ դիվանագիտական տեսանկյունից դեսպանը որևէ սխալ բան չի արել.

«Անշուշտ, հանրային կարծիքները բոլորս լսեցինք, բայց դիվանագիտական արարողակարգի առումով մենք որևիցե կտրուկ առարկություն չենք կարող անել և չունենք այս պահի դրությամբ»:

«Ինձ համար այդ հանդիպումը տարակուսելի է և ողջունելի չէ»,- նկատեց հանձնաժողովի նախագահ Ռուբեն Ռուբինյանը;