«Ես կուսակցական պատկանելություն չունեմ, կարող եմ ունենալ որոշ համակրանքներ մարդկանց և քաղաքական տեսակետների նկատմամբ»
Այսօր ԱԺ-ում լրագրողների հետ զրույցում Հանրային հեռուստառադիոընկերության խորհրդի նախագահի պաշտոնում ընտրված ռեժիսոր Արա Շիրինյանը, արձագանքելով քննադատություններին, որ իր անունը կապվում է իշխող, Նիկոլ Փաշինյանի գլխավորած «Քաղաքացիական պայմանագիր» կուսակցության հետ, և հիմա էլ Հանրային հեռուստաընկերությունը դառնալու է այս իշխանությանը սպասարկող, պատասխանել է.
«Ես կուսակցական պատկանելություն չունեմ, կարող եմ ունենալ որոշ համակրանքներ մարդկանց և քաղաքական տեսակետների նկատմամբ։ Իսկ որ Հանրային հեռուստաընկերությունն առաջին հերթին պետք է ծառայի հանրության շահին, այո՛, այդպես է: Ամեն ինչ անելու եմ այդ նպատակին հասնելու համար»։
