Մահացել է Թուրքմենստանում, Աֆղանստանում, Տաջիկստանում ՀՀ դեսպան Գառնիկ Բադալյանը

Հանկարծամահ է եղել Թուրքմենստանում, Աֆղանստանում, Տաջիկստանում ՀՀ արտակարգ և լիազոր դեսպան Գառնիկ Բադալյանը: Այս մասին լուրը հաստատեց Արտաքին գործերի նախարարության մամուլի խոսնակ Աննա Նաղդալյանը:

Գառնիկ Բադալյանի կենսագրությունը

Ծննդյան թիվն ու վայրը

Ծնվել է 1958թ. Ադրբեջանի ՍՍՀ Դաշքեսանի շրջանի Բանանց գյուղում

Կրթությունը

1986թ. – ԵՊՀ արևելագիտության ֆակուլտետի իրանական բանասիրության բաժին

2003թ. – ԳԴՀ Ջորջ Մարշալի անվան անվտանգության ուսումնասիրությունների եվրոպական կենտրոնում հնգամսյա դասընթաց

2007թ. – ԱՊՀ երկրների հետ տեխնիկական համագործակցության հիմնադրամի դիվանագիտական դասընթաց, Կահիրե, Եգիպտոս

2014թ. – ՉԺՀ կոմերցիայի նախարարությանը կից Միջազգային տնտեսության ակադեմիայի մեկամսյա դասընթաց, Պեկին, Չինաստան

1976-1978թթ. ծառայել է Խորհրդային բանակում:

Աշխատանքային գործունեությունը

1984-1985 թթ., 1987-1988թթ. – ծառայություն և դարի (պարսկերեն) լեզվի թարգմանիչ Աֆղանստանում

1988-1991 թթ. – լրագրող, պատասխանատու քարտուղար «Արմենպրես» լրատվական գործակալությունում, Հայաստանի ժուռնալիստների միության անդամ

1991-1992թթ. – ԱԳՆ մամուլի քարտուղար և տեղեկատվության բաժնի վարիչ

1993-1994թթ. – ԻԻՀ-ում ՀՀ դեսպանության, այնուհետև’ Մերձավոր և Միջին Արևելքի վարչության Իրանի բաժնի 2-րդ քարտուղար

1994-1997թթ. – ՀՀ տրանսպորտի նախարարության կառուցվող օբյեկտների տնօրինության Իրանի հետ կապերի գծով գլխավոր մասնագետ’ Հայաստան- Իրան’ Մեղրու կառուցվող կամրջում

1997-1998թթ. – ՀՀ Աֆղանստանի պատերազմի վետերանների միության «Մարտընկեր» շաբաթաթերթի հիմնադիր և գլխավոր խմբագիր

1998թ. – ԱԳՆ Մերձավոր և Միջին Արևելքի վարչության խորհրդական

1998-2001 թթ. – ԻԻՀ-ում ՀՀ դեսպանության խորհրդական

2002-2004 թթ. – ԱԳՆ Իրանի բաժնի վարիչ, Հայ-իրանական կապերի կոորդինացման միջկառավարական հանձնաժողովի պատասխանատու քարտուղար:

2004-2007թթ. – ԻԻՀ-ում ՀՀ փոխդեսպան, այնուհետև’ դեսպանության դեսպանորդի պաշտոնակատար

2007-2009թթ. – ԱԳՆ Մերձավոր և Միջին Արևելքի վարչության խորհրդական, Հայաստան-Իրան-Թուրքմենստան միջկառավարական հանձնաժողովի պատասխանատու քարտուղար, ՀԱՊԿ ԱԳ նախարարների խորհրդի Աֆղանստանի հարցերով աշխատանքային խմբի Ազգային համակարգող

1995-2010 թթ. – ԱԳՆ Մերձավոր և Միջին Արևելքի վարչության պետի պաշտոնակատար

2010թ. – ԱԳՆ սահմանակից երկրների վարչության խորհրդական

1996-2012թթ. – ԻԻՀ-ում ՀՀ փոխդեսպան

2012-2018թթ. – ԱԳՆ Քաղաքական ծրագրավորման վարչության Վերլուծական բաժնի խորհրդական

Դիվանագիտական աստիճանը

ՀՀ արտակարգ դեսպանորդ և լիազոր նախարար

Պարգևներ

ԽՍՀՄ և Աֆղանստանի կառավարական և ռազմական պարգևներ ՀՀ ԱԳՆ խրախուսանքներ

Գիտական աշխատություններ

Հեղինակ է Իրանի մասին 5 գրքի և 200 հոդվածի:

Օտար լեզուների իմացություն

պարսկերեն, ռուսերեն և անգլերեն