Հնդկաստանում առնվազն 18 մարդ է զոհվել ավազամրրիկից
Հնդկաստանում առնվազն 18 մարդ է զոհվել, եւս առնվազն 20-ը՝ վերքեր ստացել հունիսի 6-ի երեկոյան Ութար Փրադեշի նահանգի արեւմտյան մասում մոլեգնած ավազամրրիկից: Այդ մասին հայտնել են տարածաշրջանի արտակարգ ծառայությունները:
Նրանց տվյալների համաձայն՝ մահերի մեծ մասը պայմանավորված է կայծակներով ու ծառերի տապալմամբ անոմալ ուժգին քամու հետեւանքով: Նման եղանակի պատճառով նահանգի տուժած շրջաներում ավերվել է շենքերի մի մասը, ներկայում այնտեղ անցկացվում են վերականգնողական աշխատանքներ:
Քաղաքացիների ունեցվածքին պատճառված վնասի ծավալը, իշխանությունների տեղեկատվությամբ՝ առայժմ դժվար է հաշվել, հաղորդել է ՌԻԱ Նովոստին:
