«Ալիևի կողմից դրական գնահատականը ինչո՞վ է պայմանավորված». Արմեն Աշոտյան
Արմեն Աշոտյանը ֆեյսբուքյան իր էջում գրում է.
«Թարմ արձագանքս Փաշինյան-Ալիև այսօրվա հանդիպմանը՝
1. Չկա որևէ արձանագրում Արցախը բանակցային կողմ դարձնելու Նիկոլ Փաշինյանի խոստման մասին։
2. Համանախագահների և ՀՀ Կառավարության աշխատակազմի հաղորդագրությունների միջև կա առնվազն երկու կարեւոր բովանդակային տարբերություն։
3. Կրկին բացակայում է Վիեննայի, Սանկտ Պետերբուրգի և Ժնևի պայմանավորվածությունների կատարման անհրաժեշտության մասին հիշատակումը։
4. Բացակայում է կարգավորման սկզբունքների մասին հիշատակումը։ Հասկանալի չէ, թե ինչ եղան կարգավորման 3 սկզբունքների և 6 էլեմենտների պարզաբանման անհրաժեշտության մասին Ստեփանակերտում հնչեցրած խոստումները։
5. Ալիևի կողմից դրական գնահատականը ինչո՞վ է պայմանավորված…
Ավելի մանրամասն կխոսեմ վաղը ուղիղ եթերում»:
