Ռուբեն Ռուբինյանը չի հիշում նախկին որևէ պաշտոնական հայտարարություն, ծրագիր, որ Արցախը պետք է վերադառնա բանակցային սեղանի շուրջ
ԱԺ արտաքին հարաբերությունների մշտական հանձնաժողովի նախագահ, «Իմ քայլը» խմբակցության անդամ Ռուբեն Ռուբինյանը չի հիշում նախկին որևէ պաշտոնական հայտարարություն, ծրագիր, որ Արցախը պետք է վերադառնա բանակցային սեղանի շուրջ:
Նման պնդում այսօր Ռուբինյանն արեց հանձնաժողովի նիստում կառավարության 2018թ. ծրագրի կատարողականի քննարկման ընթացքում:
Ըստ նրա՝ բնական է, որ երբ պետությունը սկսում է նախաձեռնողական քաղաքականություն վարել, կան տարբեր միջազգային խաղացողներ և այդքան հեշտ չի լինելու. «Սա գործընթաց է և սպասել, որ մի քանի ամսում այն պետք է հաջողությամբ պսկավի, այդքան էլ հեշտ չէ»:
«Մենք հիմա գտնվում ենք շատ կարևոր փուլում, տեղի է ունենում շատ կարևոր գործընթաց, երբ ՀՀ-ն վերաիմաստավորում է արտաքին քաղաքականության ոճը, որով առաջ են տարվում մեր առաջնահերթությունները, և ես շատ կարևորում եմ, որ կառավարություննը, անկախ մեր կուսակցական պատկանելիությունից, ունենա մեր լիակատար աջակցությունը»,- ասաց Ռուբինյանը:
