«Մինչև ավելի լավ պայմաններ չստեղծենք, Մոնթե Մելքոնյան վարժարանը չի տեղափոխվելու այդտեղից»
Դիլիջանի նախկին ՊԵԿ-ի շենքում տեղակայված Մոնթե Մելքոնյանի անվան ռազմական վարժարանն այդ շենքից դուրս կգա միայն ուսումնական պրոցես, սովորողների կենցաղի համար ավելի լավ պայմաններ ապահովելու դեպքում: Այս մասին այսօր ԱԺ-ում լրագրողների հետ զրույցում հայտարարեց ՊՆ փոխնախարար Գաբրիել Բալայանը:
«Մինչև ավելի լավ պայմաններ չստեղծենք, Մոնթե Մելքոնյան վարժարանը չի տեղափոխվելու այդտեղից»,- ասաց Գ.Բալայանը:
Նա նշեց, որ այսօր վարժարանում թերբեռնվածություն չկա, ավելին՝ ընդունելության մեծ մրցակցություն կա:
