«Իմ ընտանիքը որևէ կապ չունի բենզինի և նավթամթերքի շուկայի հետ». Արթուր Վանեցյան
Ազգային անվտանգության ծառայության պետ Արթուր Վանեցյանը հերքում է մամուլում շրջանառվող տեղեկությունները, թե ինքը բաժին ունի բենզինի շուկայում:
«Եթե ես սկսեմ դատի տալ մարդկանց նրա համար, ինչ իմ մասին գրում են, ուղղակի խայտառակություն կլինի: Ոչ, ճիշտ չէ, ես հերքում եմ այդ նյութը և խորհուրդ կտամ այդ լրատվամիջոցին նույնպես հերքումով հանդես գալ, որովհետև օգտագործել իմ անունը, որպեսզի իրենց տեղադրած նյութը շատ կարդացվի, ուղղակի ամոթալի է:
Իմ ընտանիքը որևէ կապ չունի բենզինի և նավթամթերքի շուկայի հետ»,- այսօր ԱԺ-ում լրագրողների հետ զրույցում հայտարարեց Ա.Վանեցյանը:
