Կիմ Չեն Ունը ժամանեց Հանոյ՝ հանդիպելու Թրամփի հետ
ԿԺԴՀ-ի առաջնորդ Կիմ Չեն Ունը փետրվարի 26-ին ժամանել է Հանոյ, որտեղ փետրվարի 27-28-ին կկայանա նրա հանդիպումը ԱՄՆ-ի նախագահ Դոնալդ Թրամփի հետ: Այդ մասին հայտնել է ՏԱՍՍ-ի թղթակիցը Վիետնամի մայրաքաղաքում ԿԺԴՀ-ԱՄՆ գագաթնաժողովի մամուլի կենտրոնից:
Կիմ Չեն Ունը կանգ է առել Melia Hanoi հյուրանոցում, որը գտնվում է քաղաքի կենտրոնում: Նա կտեղավորվի նախագահական պենտհաուսում, որի վրա սարքավորված է ուղղաթիռների հարթակ:
Ներկայում Melia Hanoi հյուրանոց տանող ճանապարհներին երթեւեկությունը լիովին դադարեցված է, հյուրանոցի մոտ հերթապահում են Վիետնամի անվտանգության ծառայությունների մի քանի զրահամեքենաներ:
Ավելի վաղ Կիմ Չեն Ունը զրահագնացքով հատել է Չինաստանի եւ Վիետնամի սահմանը եւ ժամանել Դոնգդանգ կայարան (Վիտենամի Լանգշոն հյուսիսային նահանգ): Կայարանում նրան հանդիսավոր պայմաններում ընդունել է տեղի ղեկավարությունը:
